Хеҙмәт кешеһенең именлеге һағында

Башҡортостанда социаль-хеҙмәт мөнәсәбәттәрен көйләү эшмәкәрлеге сирек быуатлыҡ юбилейын билдәләй. Өс яҡлы комиссияның сираттағы ултырышы тантаналы шарттарҙа үтте.Власть, бизнес һәм профсоздар араһындағы хеҙмәттәшлек өлкәһендә Башҡортостан туплаған тәжрибә Рәсәй төбәктәре өсөн өлгө. Ошо хаҡта Өс яҡлы федераль комиссия һәм Рәсәй хеҙмәт һәм халыҡты социаль яҡлау министрығы вәкидәре белдерҙе. 2014 йылдан башлап республиканың уңышлы тәжрибәһе башҡа өлкәләргә таратыла. Республика башлығы Рөстәм Хәмитов билдәләүенсә “Социаль партнерлыҡтың төп маҡсаты — хеҙмәт кешеһенең именлеген хәстәрләү”.