Республика етәкселеге “Көмөш” ирекмәнлек хәрәкәтенә бар яҡлар ярҙам күрһәтәсәк

Башҡортостан етәксеһе был хаҡта Рәсәй президентының йәмәғәт проекттары идаралығы етәксеһе менән осрашыуҙа белдерҙе. Сергей Новиков өлкән йәштәгеләр форумын юғары кимәлдә ойошторған өсөн Рөстәм Зәки улына рәхмәт белдерҙе һәм Башҡортостандың күп кенә проекттарҙы ғәмәлгә ашырыуҙа пилот төбәк булыуын билдәләне. Йәштәрҙе илһөйәрлек рухында тәрбиәләү йәһәтенән илдең оборона министрлығы ла Башҡортостанға ярҙам итергә әҙер. Андрей Картаполов йәш армеецтар өсөн үҙәк ойошторорға тәҡдим итте.