Бөгөн ОМОН хеҙмәткәрҙәре һөнәри байрамын билдәләй

Был отрядтың Росгвардия ғәскәрҙәре сафына инеүенә лә 2 йыл тулды. Бер-нисә саҡырымға йүгереү, төрлө күнекмәләр, көрәш, ауыр тимер ҡоролмалар күтәреү. Был күнекмәләр махсус тәғәйенләнештәге мобиль отряд хеҙмәткәрҙәренең көндәлек эше. Буласаҡ ОМОН хеҙмәткәре тәү сиратта физик күнекмәләр менән бергә, махсус психологик тест эшләргә тейеш. Махсус тәғәйенләнештәге отрядтың һәр хеҙмәткәре үҙенең бурысын яҡшы аңлай.