Республикабыҙҙәң тәүге президенты беҙҙең телеканалаға интервью бирҙе

Өфөләге ”Әр-рәхим” мәсете төҙөп бөтөү өсөн бөтә мөмкинлектәр бар, башҡортостан етәксеһе вазифаһын башҡарыусы Радий Хәбировҡа һәр кем ҡулынан килгәнсә ярҙам итергә тейеш. Был турала Башҡортостандың тәүге президенты Мортаза Рәхимов беҙҙең телеканалға биргән интервьюһында белдерҙе. Мортаза Ғөбәйҙулла улы менән менән “Башҡортостан” дәүләт телевидение һәм радиотапшырыуҙар компанияһының милли тапшырыуҙар бүлеге етәксеһе Уйылдан Ғәлин әңгәмәләште. Интервьюның тулы версияһын 21 октябрь “Башҡортостан 24” каналында аҙна йомғаҡтары тапшырыуында, ә 22-һе иртәнге сәғәт туғыҙҙа “Рәсәй 1-Башҡортостан” телеканалында ҡарарға мөмкин.