Өфөлә сәсәндәр фестивале үтәсәк

Иртәгә Башҡортостан икенсе тапҡыр үткәрелгән Бөтә Рәсәй сәсәндәр фестивале ҡатнашыусыларын ҡаршылай. Фестивалгә Рәсәй төбәктәренән һәм төрки халыҡтар йәшәгән сит илдәрҙән 18 бәйгесе килә. Беҙҙең республика данын сәсәндәр мәктәбе ағзалары һәм ҡобайыр, әйтеш, эпостарҙы иң оҫта һөйләүсе сәсәндәр яҡлай. Уларҙы жюри ағзалары социаль селтәрҙәрҙә үткән видеобәйге аша һайлап ала. Башҡортостан сәсәндәре мәктәптәре халыҡ һәм өлгөлө коллектив исемдәрен алыу өсөн дә һынау тотасаҡ. Сәсәндәр фестивале иртәгә һәм иртәгәнән һуңға Фәйзи Ғәскәров исемендәге Дәүләт академия халыҡ бейеүҙәре ансамбле залында үтә.