Ҡотҡарыусылар һигеҙ метрлыҡ ҡоҙоҡтан ирҙе сығарҙы

Өфөнөң эҙләү-ҡотҡарыу отряды хеҙмәткәрҙәре һигеҙ метрлыҡ ҡоҙоҡтан ирҙе сығарҙы. Ҡоҙоҡто тәрәнәйткәндә ул шыйыҡ балсыҡ өҫтөнә төшөп китә һәм бата башлай. Иптәштәре ярҙам итеп ҡарай әммә һөҙөмтәһеҙ. Муйынынан батҡас, ярҙам саҡыртырға ҡарар ителә. Бер-нисә минуттан ҡотҡарыусылар килеп етә һәм 38 йәшлек ирҙе өҫкә сығара.