Социаль видеороликтар йәки плакаттар конкурсы башҡорт телен популярлаштырыуға йүнәлтелергә тейеш. Эштәр ике дәүләт телендә башҡарылырға мөмкин.
Шулай уҡ башҡорт теле уҡытыусыларының, шул иҫәптән ветеран-уҡытыусыларҙың тормошо һәм эшмәкәрлеге тураһында видеороликтар ҡабул ителә. Уҡыусылар өсөн «Илен һөймәҫ кенә телен һөймәҫ, иле юҡтың ғына теле юҡ» темаһына иншалар конкурсы ҡаралған.
«Һаумы, һаумы әкиәт» конкурсында балалар баҡсаларында тәрбиәләнеүселәр һәм 1-4 класс уҡыусылары ҡатнаша ала. Интернет-конкурстарға 14 декабрҙә йомғаҡ яһала. 14 декабрь — Башҡорт теле көнө. Ш
ағир-мәғрифәтсе Мифтахетдин Аҡмулланың тыуған көнөнә арналған байрамды тотош республикала билдәләү күҙаллана.
