Бынан ары республикала һалҡын көндәрҙә асфальт түшәү ҡәтғи тыйыла

Интернет селтәрендә ҡар ҡаплаған юлға асфальт түшәүсе юлсылар тураһында бик күп видео табырға мөмкин. Ябай халыҡтың быға ризаһыҙлыҡ белдереп әсе комментарийҙар ҡалдырыуы ла аңлашыла. Республика етәксеһе тәҡдиме менән 20 ноябрҙән Башҡортостанда дөйөм ҡулланылыштағы автомобиль юлдарын төҙөкләндергәндә һәм һауа температураһы 5 градустан түбән булғанда ҡайнар асфальт-бетон ҡатнашмаларын һалыу тыйыла. Радий Хәбиров был эште етди күҙәтеүгә алырға ҡушты.