Өфөлә тиҙ йөрөшлө трамвай проекты тергеҙелә

Транспорт буйынса дәүләт комитеты рәйесе Тимур Мөхәмәтйәнов әйтеүенсә, Өфө БРИКС-тың үҫеш банкынан грант алған. Киләһе йылдан проектты ғәмәлгә ашырыу өсөн инвестор эҙләү башлана. 2013 йылда Өфөлә тиҙ йөрөшлө трамвай төҙөлөшө проекты 6-7 миллиард һумға баһаланғайны. Уның тәүге өлөшө Блюхер урамы буйлап дәүләт циркы туҡталышынан Ҡала мәҙәниәт һарайы туҡталышына тиклем үтергә тейеш ине. Урман ҡырҡыу башланғас, ймәғәтселек был проектҡа ҡаршы сыҡҡайны.