Республикала медицина мәсьәләһе киҫкен булып ҡала

Сөнки күп осраҡта халыҡ ошо өлкәләге проблемаларға зарлана, тинеләр “сәләмәтлек сәғәте”ндә. Ике аҙна эсендә генә 200-гә яҡын кеше ярҙам һорап мөрәжәғәт иткән. Проблемаларға килгәндә, был тәү сиратта дарыуҙар менән тейешле кимәлдә тәьмин ителмәү, тар йүнәлештәге белгестәрҙең етмәүе, табиптарҙың эштәренә һалҡын ҡарауы һәм дауаханаларҙың насар торошо. Республика етәксеһе өс ай эсендә дауаханаларҙың баш табиптарына биналарҙы тәртипкә килтерергә ҡушты.