Өфөлә Советтар Союздары геройҙары Таһир Кусимов һәм Петр Рогалевҡа барельефтар асылды

Бөгөн Өфөлә Башҡортостан хәрби комиссариатының 100 йыллығына арнап Советтар Союздары геройҙары Таһир Кусимов һәм Петр Рогалевҡа барельефтар асылды. Шулай уҡ, бында Башҡортостан хәрби комиссариаты эшенә, уның ил кимәлендә күрһәткестәрен яҡшыртыуға, үҫмерҙәр һәм балаларға хәрби-патриотик тәрбиә биреүгә үҙ өлөшөн индергән офицерҙарға арналған галерея ойошторолдо. Сараға абруйлы ҡунаҡтар һәм хәрби комиссарҙарҙың яҡындары саҡырылды.