Башҡортостан поликлинкалар һәм фельдшер-акушер пункттары төҙөлөшө өсөн федераль бюджеттан аҡса аласаҡ

Милли проекттарҙы бойомға ашырыу йәһәтенән республикала шулай уҡ яман шеш һәм йөрәк сирҙәре менән көрәшкә өҫтәмә финанстар бүленәсәк. Өфөлә онкология диспансерының яңы бинаһын файҙаланыуға тапшырыу, район дауаханаларында онкология бүлектәрен асыҡ күҙ уңында тотола. Федераль ҡаҙнанан алынған аҡсаға шулай уҡ “Земский доктор” программаһы сиктәрендә төбәккә белгестәр йәлеп итеү көтөлә. Һаулыҡ һаҡлау министрлығы мәғлүмәттәренә ярашлы республика дауаханалары бөгөнгә мең ярымдан ашыу белгескә мохтаж.