Бөгөн Республика клиник онкология диспансерында билдәле профессор, медицина фәндәре докторы Пётр Царьков оҫталыҡ дәрестәре үткәрҙе. Лекциянан тыш, тәжрибәле белгес заманса ысул менән йыуан эсәктең яман шешен юҡ итеү буйынса операция эшләп күрһәтте.Республика клиник онкология диспансерында сираттағы операция бара. Тик хирург урынында Мәскәүҙән килгән билдәле профессор Петр Царьков. Уның скальпель менән оҫта эш иткәненә йөҙҙәрсә күҙҙәр ҡарап тора. Операция өҫтәлендә ятҡан пациенттың йыуан эсәгендә яман шеш барлығы асыҡланған. Хирург операцияны уны лапароскопия ысулы, йәғни эсендә бәләкәй генә йөй аша эшләй. Үҙенсәлеге тағы ла шунда: йыуан эсәктең яман шеш булған өлөшө генә түгел, ә эргә-тирәләге лимфатик биҙҙәр ҙә ҡырҡып алына. Был яман ауырыуҙың ҡайтанан барлыҡҡа килеүенә юл ҡуймаясаҡ. Өфө хирургтар быға тиклем дә ошондай операциялар үткәргәне бар. Әммә тәжрибә тупларға табиптар ҙа, проктология бүлеге студенттары ла килгән. Унлаған кеше операция бүлегендә булһа, ҡалғандары лекция бүлмәһендә видеоэкран аша күҙәтә. Һуңғы йылдарҙа йыуан эсәк ауырыуҙары йыш осрай. Шуға ла Өфө хирургтары был сирҙе дауалауҙың яңы заманса ысулдарын үҙләштерә.
Башҡортосанда Республика клиник онкоголия диспансеры йыуан эсәктең яман шешен юҡ итеү буйынса операциялар үткәргән берҙән-бер медицина учреждениеһы тиергә мөмкин. Былтыр 800 операцияның 300 ошондай лапороскопия ысулы менән эшләнһә, быйыл был һанды 500 тиклем еткерергә уйлайҙар.
