Авариялар күп теркәлгән юлдарҙың исемлеген төҙөү башланды

Транспорт һәм юл хужалығы буйынса дәүләт комитеты авариялар күп теркәлгән юлдарҙың исемлеген төҙөй башланы. Тап ошо хәүефле урындарҙа ремонт эшләнеп, хәрәкәт ҡыҙыу булған ерҙәрҙә күҙәтеү камералары ҡуйыласаҡ. Быйыл Өфөнөң транспорт системаһын үҫтереү, Башҡортостанды башҡа төбәктәр менән бәйләүсе төп магистраль юлдарҙы федераль ҡарамаҡҡа күсереү, Өфө-Ырымбур юлының Стәрлетамаҡ янындағы өлөшөн дүрт һыҙатҡа тиклем киңәйтеү ҡарала.