Башҡортостан башлығын һайлау халыҡ ышанысына нигеҙләнергә тейеш

Радий Хәбиров бөгөн ошо хаҡта “Берҙәм Рәсәй” сәйәси фирҡәһе етәкселәре советының киңәйтелгән ултырышында белдерҙе. Халыҡ ышанысына өлгәшергә иһә ғәмәли эш һөҙөмтәләре булышлыҡ итә. Республика башлығы вазифаһын ваҡытлыса башҡарыусы билдәләүенсә был маҡсатты бойомға ашырыуҙың технологик, ойоштороу һәм сәйәси программаһы бар. “Берҙәм Рәсәй” фирҡәһенән Радий Хәбиров һайлауҙа яҡлау табыуға өмөт белдерҙе.