Өфөлә Дәүләт автоинспекцияһы «Махсус сигнал» операцияһын уҙғара

Операция махсус тәғәйенләнештәге автомобилдәр ҡатнашлығындағы аварияларҙы иҫкәртеүгә йүнәлтелгән. Автомобиль хужалары махсус тауыш һәм яҡтылыҡ сигналы булған машиналарға юл бирергә тейеш. Инспекторҙар өҫтөнлөк биргән сигналға иғтибар итмәгән һәм йыш ҡына ҡотҡарыусыларҙың, табиптарҙың һәм полицияның эшенә ҡамасаулаған водителдәрҙе асыҡлай алһын өсөн сара барышында ҡала урамдарына юл-патруль хеҙмәте, медицина һәм башҡа ашығыс хеҙмәттәрҙең машиналары сығарыла.