Киләсәк быуын инженерҙары

Конгресс-холл “Торатау” бинаһында Республика мәктәптәре араһында үткәрелгән “Киләсәк быуын инженерҙары-2019” беренсе форумға йомғаҡ яһалды. Форумда бөтәһе егерме биш мәктәп ҡатнашҡан. Буласаҡ инженерҙар үҙҙәренең проекттарын “Пилотһыҙ авиация системалары”, “Робототехника”, “Хай-тек”, “Йыһан инженерия” йүнәлешендә күрһәтә алды. Күргәҙмәлә уҡыусылар бер-береһенең эше менән танышты. Еңеүселәргә маҡтау ҡағыҙҙары һәм ҡиммәтле бүләктәр тапшырылды. Алдағы йылдарҙа ла был форумдың мөмкинлектәрен киңәйтеү күҙалланған. Юғары уҡыу йорттарына ингәндә уҡыусыларға бындай форумда ҡатнашыу ыңғай һөҙөмтә бирәсәк