Төп бурыс – кешеләрҙең ғүмере өсөн көрәшеү

Йыл дауамында Башҡортостан юлдарында меңдән ашыу фото һәм видеотеркәү камераһы ҡуйыласаҡ. Был турала республика етәксеһе белдерҙе. Радий Хәбиров билдәләүенсә, төп бурыс – кешеләрҙең ғүмере өсөн көрәшеү, юл-транспорт ваҡиғаларында һәләк булыусыларҙың һанын кәметеү. Сер түгел, камера ҡуйылған урындарҙы водителдәр яйлабыраҡ үтергә тырыша, үтеп китеү менән билдәләнгән тиҙлекте тағы ла арттыра. Бынан ары, хәрәкәт итеү тиҙлеген камералар күҙәтәсәк.