Башҡортостанда эсәр һыуға бәйле хәл яҡшырасаҡ

Әле Республикала ошо йәһәттән үҙәкләштерелгән һыу системаһын яңыртыу мәсьәләһе тикшерелә. Бөгөнгә 20 район һәм ҡалаға торбалар аша һыу биреүгә бәйле обьекттар төҙөү ҡаралған. Исемлектә Әлшәй, Баймаҡ, Бишбүләк, Мәсетле, Стәрлетамаҡ, Хәйбулла кеүек райондар бар. Был яҡтарҙы сифатлы эсәр һыулы итеү өсөн 5 йылда 4 миллиард 3 миллион һүм бүлеү ҡаралған. Суммаларҙың ҙур өлөшө федераль бюджетҡа тура килә. Республика иғәнәһе 85 миллион һум самаһы.