Өфөнөң бер микрорайонында ҡотороу сире буйынса карантин иғлан ителде

Өфөнөң Урман техникумы, Шәфиев һәм Комсомол, Салауат Юлаев проспекты урамдары киҫлешенә ингән ике кварталда ҡотороу сире буйынса карантин иғлан ителде. Был микрорайонда бесәй һәм эттәр күргәҙмәләрен ойоштороу, уларҙы бәйһеҙ һәм ҡарауһыҙ йөрөтөү ҡәтғи тыйыла. Яңы ҡағиҙәләрҙең үҙ сәбәбе бар. Асыҡланыуынса, ошо биҫтәләге кибеттәрҙең береһенә килеп ингән бурһыҡ һатып алыусыларҙы тешләгән. Урман кейегенең миллиондан ашыу кеше йәшәгән ҡалаға нисек эләккәнен берәү ҙә белмәй.