Радий Хәбиров Берләшкән авиатөҙөлөш корпорацияһының директорҙар советы етәксеһе Анатолий Сердюков менән осрашты

Яҡтар эшсе комиссия булдырыу тураһында килеште. Ул республикалағы авиация тармағында эшләүсе предприятиелар эшмәкәрлеген көйләү менән шөғөлләнәсәк. Был инде заказдарҙы арттырыу һәм килеп тыуған башҡа мәсьәләләрҙе тиҙ арала хәл итеү мөмкинлеген бирергә тейеш. Берләшкән авиатөҙөлөш корпорацияһына Башҡортостандың 7 предприятиеһы инә, уларҙа 35 меңдән ашыу кеше эшләй. “Берләшмәнең “Ростех” составында булыуы предприятиеларға өҫтәмә инвестициялар йәлеп итергә ярҙам итергә тейеш”, — тиелде осрашыуҙа.