Өфөлә Евразия урологтары конгресы үтте

Франция, Эстония, Ҡытай, Һиндостан, Таджиҡстан, Ҡаҙағстан, Үзбәкстан, Көньяҡ Корея, Австрия, Германиянан килгән һәм Рәсәйҙә эшләгән алдынғы табиптар тәжрибә уртаҡлашты. Торатау Конгресс-холында донъя медицинаһының алдынғы вәкилдәре, медицина хеҙмәткәрҙәре, профессорҙар, аспиранттар, студенттар йыйылды. Конгресс урологияның бөтә йүнәлештәрендәге мәсьәләләрен дә тикшереүҙән ғибәрәт булды. Ҡатын-ҡыҙҙың, ир-егеттәрҙең, балаларҙың бәүел‑енес системаһы ағзалары ауырыуҙарын диагностикалау, дауалауҙың заманса алымдары тураһында һорауҙар күтәрелде.Конференциянан тыш Евразия урологтары конгресы белем биреү программаһын да бойомға ашырҙы. Йөҙләгән ҡатнашыусы алдында күрһәтмә операциялар башҡарылды. Конгресс-холлда секцияларҙа тәжрибә уртаҡлашҡан табиптар онлайн рәүештә медицина университетында эшләнгән операция барышын да күҙәтеп, хирургтар менән аралаша алды. Уларҙың маҡсаты – ике көн эсендә 15 операция башҡарыу.Операцияларҙы Мәскәү хирургтары етәкләне. Улар өс алым — эндоскопик, лапароскопик һәм робот ярҙамы менән эшләнде. Осрашыуҙа ҡатнашыусы табиптар был йүнәлештә Өфө урологтарының ныҡышмал эшләүен, алдынғы рәттәрҙә булыуын билдәләне һәм киләсәктә лә хеҙмәттәшлек итергә теләүҙәрен белдерҙе.