Быйыл республикала тыуым да, үлем дә кәмегән

Йылдың тәүге өс айында 10 мең 446 сабый тыуған. Туғыҙ районда ғына тыуым буйынса ыңғай күренеш күҙәтелә. Үлем сәбәптәре элеккесә ҡала. Йөрәк-ҡан тамырҙары сирҙәренән үлем осраҡтары 16% артҡан, онкология сирҙәренән үлем 3% кәмегән, тышҡы сәбәптәрҙән — 29% аҙыраҡ. Ләкин шуның менән бергә юл-транспорт ваҡиғаларында үлем осраҡтары 30% артҡан. Ҡалаларҙа йышыраҡ инфекцияларҙан һәм яман шештән вафат булалар. Ауылдарҙа-тын алыу органдары, аш һеңдереү, бәүел-енес сирҙәренән. Сабыйҙарҙың үлем осраҡтары ла артҡан. Быйыл беренсе кварталда 76 бала яҡты донъя менән хушлашҡан.