Республикала янғындар, юлдарҙағы авариялар буйынса хәл ҡатмарлы булып ҡала

Бер аҙнала ғына юл-транспорт ваҡиғаларында 8 кешенең ғүмере өҙөлгән. Ҡорбандар араһында балаларҙың булыуы айырыуса үкенесле. 197 янғында һәләк булыусылар һаны тиҫтәгә яҡын. Республика етәксеһе Радий Хәбиров әйтеүенсә, был йәһәттән тейешле саралар күрергә кәрәк. Аварияларҙы иҫкәртеү өсөн трассаларға махсус камералар ҡуйыла. Башҡортостан урмандарында янғындар ҙа тынысланырға уйламай. Шуға ла ғәҙәттән тыш хәл режимы үҙ көсөндә ҡала.