Һамарҙа “Йыйын-2019” башҡорт милли байрамы үтте

Сара 15-се тапҡыр уҙғарыла. Был юлы ул Башҡортостан республикаһы ойошторолоуының 100 йыллығына арналды. Струков паркында урындағы халыҡ өсөн тирмәләр, төрлө күргәҙмәләр эшләне. Килгән һәр кем башҡорт халҡының тарихы, уның көнкүреше менән таныша, аш-һыуын тәмләп ҡарай алды. Шулай уҡ ҡунаҡтар өсөн Волга буйы федераль округы төбәктәре һәм Башҡортостандың сәхнә оҫталары сығыш яһаны.