Башҡортостанда мөмкинлектәре сикләнгән балаларға реабилитация хеҙмәттәре өсөн сертификаттар тапшырыласаҡ

Республика хөкүмәте ошо турала ҡарарҙы ҡабул итергә әҙерләнә. Был хаҡта Башҡортостан башлығы вазифаһын башҡарыусы Радий Хәбировтың инвалид-балаларҙың ата-әсәләре менән осрашыуында билдәле булды. Сертификаттар быйыл сентябрь айында бирелә башлай тип көтөлә. Уның буйынса, медицина хеҙмәте күрһәткән бөтә учреждениеларҙа ла, шул иҫәптән шифаханаларҙа ла реабилитация үтергә мөмкин буласаҡ.