Хеҙмәт йәшенән өлкәндәргә пневмококк инфекцияһынан прививка яһаласаҡ

Хеҙмәт йәшенән өлкәндәрҙең һаулығын хәстәрләү маҡсатында республика ололарға пневмококк инфекцияһынан һаҡлаусы вакцина яһатырға 5 миллион һум аҡса бүлә. Ауылдар быйыл өлкәндәрҙе өҫтәмә медицина тикшеренеүе үтергә дауаханаға алып барыу өсөн 18 бәләкәй автобус менән тәьмин ителә. Хаҡлы ял йәшенә яҡынлашҡан хеҙмәткәрҙәргә һөнәр яңыртыу йәиһә камиллаштырыу үҙәктәре эше яйға һалына. Федераль адрес мәғлүмәт системаһын тултырыу буйынса Башкортостан илдә өсөнсө, Волга буйы федераль округында беренсе урында.