Квест уйындары - хәүефле

Һуңғы ваҡытта киң танылыу яулап өлгөргән квест уйыны үткәрелгән бүлмәләрҙе тикшереү эштәре алып барыла. Был йәйҙә генә республика буйынса бөтәһе 90-н ашыу хоҡуҡ боҙоу осраҡтары теркәлгән. Квест уйыны үткәрелгән ойошмаларҙың күбеһендә шомло тауыштар, кеше маникендары ҡулланыла, шәүлә булып ҡурҡытҡан актерҙар ҡатнаша. Квест администраторҙары хәҙер бындай уйынға балаларҙы ла индерергә рөхсәт бирә. Бынан тыш, күпселек квест-бүлмәләрендә янғын сығыуын иҫкәрткән приборҙар һәм запас сығыу урыны булмауы асыҡланды.