Тиҙ ярҙам машинаһының иң яҡшы водителе

Өфөлә ашығыс медицина ярҙамы машинаһының иң яҡшы водителен асыҡлау буйынса конкурс үтте. Сарала барлығы республика райондарынан 34 водитель ҡатнашты. Ярыш 3 этаптан торҙо. Беренсе этапта водителдәр юл хәрәкәте ҡағиҙәләре буйынса тест эшләне. Икенсеһендә автомобилдә йөрөү оҫталыҡтарын күрһәтте. Өсөнсө этапта конкурста ҡатнашыусылар беренсе медицина ярҙамын күрһәтеү оҫталыҡтарын тикшерҙе.