Милли китапханала рәссам Михаил Петровтың шәхсән күргәҙмәһе асылды

Әхмәт-Зәки Вәлиди исемендәге Милли китапханала рәссам Михаил Петровтың шәхсән күргәҙмәһе асылды. Халыҡ иғтибарына бөтәһе илле картина эленгән. Тәбиғәт күренештәре, кеше, ҡош-ҡорт һәм хайуан һындары төшөрөлгән һүрәттәр аша автор хис-тойғоларын еткерергә тырышҡан. Сәнғәтте үҙ итеүселәр рәссамдың ижад емештәре менән сентябрь аҙағына тиклем таныша ала. Бынан тыш, теләгән һәр кем Милли китапхананың икенсе бүлмәһендә республикала табылған таштарҙы ла күрә ала. “Урал ере матурлығы” күргәҙмәһендә Башҡортостан тәбиғәтенән алынған таштар күрһәтелгән.