Өфөлә “аҡыллы туҡталыш”тар бар

Уларҙың тәүгеләрен Ленин урамында урынлаштырҙылар. Башҡортостан дәүләт концерт залы янындағы заманса туҡталыш видеокүҙәтеү ҡоролмалары менән йыһазландырылған. Бында шулай уҡ телефон, гаджеттарға көс йыйыҙырырға, бушлай вай-фай менән ҡулланырға мөмкин. ГЛОНАСС системаһына тоташтырылған электрон табло ярҙамында такси һәм автобустарҙың хәрәкәтен күҙәтеү мөмкинлеге бар. Октябрь аҙағына тиклем Өфөлә бөтәһе 106 аҡыллы туҡталыш барлыҡҡа килә.