Бөрөлә мәҫәлән йүнселдәрҙең береһе Рут ысулын үҙләштерә. Илдең Алыҫ Көнсығышында киң таралған умарталар ҡорттоң баш һанын арттырыуға йүнәлтелгән.
Игорь Волочков умартасылыҡ менән 50 йылдан ашыу шөғөлләнә. 60-сы йылдарҙа Рәсәйҙең Алыҫ Көнсығышынан ғаиләһе менән Башҡортостанға күсеп килгәс, халыҡ кәсебен дауам итергә була. Әле уның хужалығында 20-нән ашыу умарта бар. Рут умарталары, Дадан-Блатт умарталарынан үҙенең ҙурлығы менән айырыла. Уларҙың төп үҙенсәлеге – рамдарҙың йәтеш булыуында. Тимәк эшләүе лә еңелерәк, ти утар хужаһы.Баллы утарҙың үҙ туристары ла бар. Көн дә тиерлек унда республиканың төрлө район-ҡалаларынан ял итеүселәр килә. Һәр ҡунаҡ бал кәсебенең бөтә нескәлектәре менән таныша ала. Һуңғы йылдарҙа республикала һауа шарттарының насар булыуы, умартасыларҙы борсоуға һала. Төбәктең көньяҡ райондарында ҡоролоҡ, ә төньяҡта киреһенсә, ҡойма ямғырҙар булыу сәбәпле ҡорттарға бал йыйырға ҡамасауланы. Шулай ҙа, умартасылар ҙур хәүеф юҡ тип белдерә. Көҙгө уңыш – көнбағыш һәм ҡара бойҙай балы яҡшы булырына өмөт бағлай йүнселдәр.
