Өфөлә 15 кешенең ағыуланыу осрағына бәйле яңы мәғлүмәттәр билдәле

Сипайловолағы тиҙ туҡланыу нөктәһендә эшләүсе хеҙмәткәрҙәрҙең береһендә стафилаккок инфекциһы табылған. Бактерия шаурмаға ҡушылған салатта ла була. Шулай итеп ағыуланыусылар һаны 16-ға етте, әле зыян күреүсе 14 кеше дауаханала. Эске эштәр министрлығы эшҡыуарҙың башҡа 6 туҡланыу нөктәһен дә тикшергән, әле уларҙың эшмәкәрлеге туҡталыған.