Башҡортостанда дауыл эҙемтәләре

Башҡортостанда кисә сыҡҡан көслө ел 96 ағасты йыҡты, ике тиҫтәнән ашыу торлаҡ йортҡа зыян килтерҙе. 9 автомобиль, ике автобус туҡталышы, 19 реклама таҡтаһы зыян күрҙе. Республиканың 18 ауылында ҡаза тарыған йорттарҙың дөйөм майҙаны 2074 квадрат метр тәшкил итә. Бынан тыш 158 ауыл-ҡасабала электр уты һүнде. Сибай ҡалаһында ғәҙәттән тыш хәл режимы индерелде. Кеше ҡорбандары юҡ. Бөгөн йорттарға һәм социаль обьекттарға ут бирелде. Тәбиғәт ғәрәсәте һөҙөмтәләрен бөтөрөү эштәре дауам итә.