Өфөлә генә ҡышҡы юл-урамдарҙы тәртиптә тотор өсөн 3 мең 200 берәмек техника талап ителә

Хөкүмәт рәйесе урынбаҫары, торлаҡ-коммуналь хужалыҡ министры вазифаларын башҡарыусы Борис Беляев әйтеүенсә, әлегә 2 мең 600 берәмек коммуналь техника етмәй, ғәмәлдәге машиналарҙың 70 проценты туҙған. Ошоға оҡшаш хәл республиканың башҡа төбәктәрендә лә күҙәтелә. Ҡышҡы юлдарҙы таҙартыу эшен быйылдан яңы ҡатнашма еңеләйтәсәк. Транспорт һәм юл хужалығы идаралығы бионорд файҙаланырға ҡарар иткән. Был реагент боҙлауыҡ ҡына түгел, урамдағы бысраҡҡа ла юл ҡуймай.