Башҡортостанда “Однозначно” тип аталған социаль компания старт алды

Был турала “Рәсәй” медиаүҙәгендә үткән матбуғат конференцияһында хәбәр иттеләр. Проект “Хәүефһеҙ һәм сифатлы автомобиль юлдары” милли проекты сиктәрендә ойошторола. Уның маҡсаты — тиҙлек режимын боҙоу осраҡтарын иҫкәртеү. 13 октябргә тиклем автоинспекторҙар водителдәр менән аңлатыу эштәре алып барасаҡ. Республиканың баш автоинспекторы Динар Ғилметдинов әйтеүенсә, был акция юлдарҙа авариялар һанын кәметергә ярҙам итәсәк.