Рәсәй һәм Үзбәкстан финанс органдары кәңәшмәһе

Башҡортостандың дәүләт финанстары менән идара итеү тәжрибәһе менән Үзбәкстан ҡаҙнасылары ҡыҙыҡһына. Сит ил делегацияһының рәсми визиты сиктәрендә Өфөлә Рәсәй һәм Үзбәкстан финанс органдары кәңәшмәһе ойошторолдо. Федераль казначейство һәм Үзбәкстан финанстар министрлығы белгестәре бюджет үтәлешен, һаулыҡ һаҡлау өлкәһен һәм мәғлүмәт технологияларын касса хеҙмәтләндереүе, финанстарҙы контролдә тотоу эшмәкәрлеген камиллаштырыу тураһында фекер алышты. Үзбәкстандың Наманган өлкәһе Башҡортостан менән хеҙмәттәшлек даирәһен финанстар өлкәһендә лә нығытырға ниәтләй.