Был юғары исемде уҡыу йорто өсөнсө тапҡыр яҡлай.
Сәнғәт мәктәбе 1977 йылда республикала һәм баш ҡалала бер нисә мәктәпте ҡушыу юлы менән барлыҡҡа килгән тәүге уҡыу йорто. Унда музыка-хор, ҡыллы, ҡаҡма, тынлы һәм халыҡ музыка ҡоралдары, фортепиано, хореография, һынлы сәнғәт бүлектәре эшләй. Мәктәптең үҙ китапханаһы, ике концерт һәм бер күргәҙмә залы, тауыш яҙҙырыу студияһы, бейеү класы, костюмдар тегеү, әүәләү һәм биҙәү-ҡулланма сәнғәте оҫтаханалары бар.
