Иғтибар үҙәгендә – медицина

Калининград ҡалаһында Рәсәй төбәктәре етәкселәре тармаҡтағы мәсьәләләрҙе уртаға һалып һөйләште. Илдең иң көнбайышындағы төбәгендә үткән семинар-кәңәшмәлә республика Башлығы Радий Хәбиров та ҡатнаша. Көн тәртибендәге төп мәсьәләләрҙең береһе – беренсел медицина ярҙамы. Хәтерегеҙгә төшөтрәбеҙ, Республика етәксеһе “сентябрь” Указында һаулыҡ һаҡлау тармағына бәйле аныҡ бурыстар билдәләне. Шул иҫәптән маҡсатлы күрһәткестәрҙе милли проекттарға тап килтереү. Калининград өлкәһендә төбәк башлыҡтары Дәүләт советының киңәйтелгән ултырышында ла ҡатнаша. Ул Рәсәй Президенты Владимир Путин етәкселегендә үтә.