Әҙиптең тыуыуына 100 йыл тулыуға арнап коллектив «Һинән башҡа донъям япа-яңғыҙ» тип аталған спектаклде сәхнәләштерҙе. Халыҡ шағирының образы автобиографик әҫәрҙәренә һәм шиғырҙарына таянып тыуҙырылған. Театрлы Волга буйы округ фестивале сиктәрендә премьеранан өҙөктө Өфөнөң 4-се мәктәбе уҡыусылары ҡарай алды. Уҡыусылар Нестеров исемендәге Башҡорт дәүләт художество музейында ойошторолған күргәҙмә менән дә танышты. Әҙиптең тыуыуына 100 йыл айҡанлы Вячеслав Стрижевскийҙың фотоһүрәттәре урын алған бында. Театрлы Волга буйы фестивалендә студент коллективтары араһынан республика данын яҡлаусы ҡоростар даими рәүештә тамашасылар менән осрашыуҙар ойоштора. Ижади конкурс еңеүселәре декабрҙә билдәле буласаҡ. Проект Рәсәй Президентының Волга буйы федераль округындағы тулы хоҡуҡлы вәкиле Игорь Комаров башланғысы менән ойошторолдо. Межгорье ҡалаһынан “Пауза” студияһы һәм “Ҡорос” халыҡ театры өсөн тауыштарҙы театральноеприволжье.рф сайтында ноябрҙең беренән алып ай дауамында бирергә мөмкин. Еңеүсе коллектив киләһе спектаклдәрен сәхнәләштереү өсөн аҡсалата ярҙам аласаҡ.
