Башҡортостанда милли проект сиктәрендә медицина сифаты яҡшыра

Һаулыҡ ҙур байлыҡ ти халыҡ. Ул байлыҡты бер ниндәй аҡса менән дә үлсәп булмай тиһәк тә күп осраҡта ана шул аҡсаға, йәки уның юҡлығына барып терәлә кеше сәләмәтлеге. Юғиһә хәленән килгән сит ил клиникаларын һайлай. Федераль кимәлдәге милли проекттар һаулыҡ һаҡлау тармағын ана шул үҫешкән дәүләттәр кимәленә еткереү маҡсатын өҫтөн ҡуя ла инде. Башҡортостанда, мәҫәлән, Төбәк ҡан тамырҙары үҙәге яңы ҡорамалдар менән йыһазландырылды һәм Онкодиспансер яман шеште дауалауҙың тағы бер мөмкинлеген алды.