Өфөлә “Еңеү” тип аталған республика марафонына старт бирелде

Рәсми сара 7 ноябрь көнө Еңеү паркында үтте. Был дата осраҡлы ғына һайланмаған, 1941 йылдың ошо көнөндә Мәскәүҙәге Ҡыҙыл майҙанда парад үтә, һалдаттар унан тура фронтҡа оҙатыла. Республика акцияһының штандарты беренсе булып Борай районына тапшырылды. Май айына тиклем марафон бөтә республиканы урап сығырға тейеш.