Өфөлә грек-рим көрәше буйынса республика беренселеге үтте

9-11 ғинуарҙа Өфөләге бишенсе мәктәп-интернаттың спорт комплексында грек-рим көрәше буйынса республика беренселеге үтте. Спортсыларҙы Республика башлығы Радий Хәбиров тәбрикләне. Ярышта 18 йәшкә тиклемге үҫмерҙәр, Башҡортостандың 12 ҡала һәм районынан йыйылған 124 көрәшсе ҡатнашты. Еңеүселәр киләсәктә Рәсәй күләмендәге мәртәбәле ярыштарҙа Бащҡортостан данын яҡлаясаҡ. Республика беренселеген асыу тантанаһында Башҡортостанда спорт көрәшен үҫтереүгә һәм көрәшселәр тәрбиәләүгә тос өлөш индергән тренерҙар Башҡортостан Республикаһының Рәхмәт хаттары менән бүләкләнде.