Республика мәктәптәрендә беренсе-дүртенсе синыфта уҡыған балаларҙы туҡландырыу өсөн район-ҡала хакимиәттәре башлыҡтары шәхсән яуаплы буласаҡ. Был турала республика етәксеһе Хөкүмәттә үткән оператив кәңәшмәлә Радий Хәбиров белдерҙе. Яҙҙың беренсе эш аҙнаһының тәүге дүшәмбеһе Башҡортостан тарихында һауа торошо түгел, ә рәсми документ менән иҫтә ҡаласаҡ. 2-се мартта республика башлығы Радий Хәбиров “Иҫкә алыу һәм хөрмәтләү көнө” тураһындағы Указға ҡул ҡуйҙы. Уға ярашлы, 2-се майҙа Башҡортостанда мәрхүмдәрҙе иҫкә аласаҡтар.
Был сара халыҡ өсөн үтә лә әһәмиәтле. Тереләр вафат булғандарҙы хәтерҙә тоторға тейеш. Тағы ла бер мәғлүмәт. Башҡортостандың мәғариф системаһы беренсе синыфтан дүртенсе синыфҡа тиклем балаларҙы түләүһеҙ ашатыуға күсә. Республика был бурысты беренсе сентябргә тиклем тулыһынса хәл итергә тейеш. Башҡортостан сүп-сарҙы ташыу буйынса яңы һөҙөмтәләргә ирешә. Уңыштар юҡ түгел. Ҡалдыҡтарҙы аҙнаһына бер сығарһалар, хәҙер уны мөмкин тиклем йышайтыр кәрәк. Контейнерҙар майҙансыҡтары ла иғтибарҙан ситә ҡалмай. Икенсе мәсьәлә – башҡарылған эштәр өсөн иҫәпләшеү.
Кемдер коммуналь хеҙмәттәр өсөн ваҡытында түләһә, ә бына байҙар аҡсаһын бирергә ашыҡмай. Башҡортостан хужалыҡтары сәсеүҙе ике аҙна эсендә тамамларға иҫәп тотһа, юлдарҙы ремонтлау, соҡорҙарын ямауҙың ҡасан бөтәсәген бер кем дә вәғәҙәләй алмай. Республиканың махсус хеҙмәттәре бөгөндән тап юлдарҙы рәтләүгә сығырға тейеш. Радий хәбиров был эште шәхсән күҙәтеүенә ала. Ғөмүмән, юл тармағы, торлаҡ-комумналь хужалығындағы хәлдәр һәр дүшәмбелә тикшерелә. Аҙна һайын ҡаралған һорауҙарҙың береһе – социаль өлкә. Был юлы, мәҫәлән, йорттарға газ үткәреү буйынса сертификаттар бүлеү тикшерелде.
Бындай документтар биреүгә әле өс ай ғына үткән. Шуға ла теүәл һәм тулы һөҙөмтәләр тураһында һөйләргә иртәрәк. Киләһе йылға республика сертификаттар өсөн 200 миллион һум бирәсәк. Башҡортостан тарихында хәҙер икенсе йыл рәттән “Юғары ос” мәғариф форумы уҙғарыла. 800 кешене берләштергән сара барышында ҡаралған мәсьәләләр яҡын арала бойомға ашырылырға тейеш. Киләһе йылға тәғәйенләнгән форумда белем биреү сифаты тураһында һүҙ барасаҡ.
Башҡортостанда хәҙер реклама таҡталарына ҡаршы көрәш яңы кимәлгә күтәрелә. Иғландар яҙылған урындар муниципаль ҡаҙналарға аҡса килтерергә тейеш. Башҡортостан йылдың иң мөһим кампанияһы — баҫыу эштәренә әҙерләнә. Быйыл республика 3 миллион иген һәм техник культуралар үҫтерәсәк. Яландарға 10 мең трактор сығырға тейеш.
