Республикала торлаҡҡа хаҡтар төшә башланы

Башҡортостан Волга буйы федераль округында торлаҡ йорттарҙы сафҡа индереү буйынса беренсе урынға сыҡты. Республикала торлаҡҡа хаҡтар ҙа төшә башланы. 2015 йылдың III кварталында беренсел торлаҡтың квадрат метры — 51 мең 100 һум, икенсел торлаҡтың хаҡы 55 мең һум тирәһе тәшкил иткән. Икенсе квартал менән сағыштырғанда яңы фатир хаҡтары 0,7 процентҡа ә ҡулдан һатылған торлаҡ 2,2 процентҡа түбәнәйгән.