Башҡорт дәүләт опера һәм балет театры федераль грантҡа эйә булды

Ижади проекттарҙы ғәмәлгә ашырыу өсөн ил хөкүмәте Башҡортостан театрына 11 миллион һум бирҙе. Грантты Мәскәүҙә Рәсәй мәҙәниәт министры Владимир Мединский тапшырҙы. 11 миллион һумлыҡ грант опера һәм балет театрына "Геракл" операһы өсөн бирелде. Театр әҫәрҙе сәхнәгә сығарырға әҙерләнә, буласаҡ музыкаль тамашаны Мәскәү режиссеры Георгий Исаакян ҡуя.