Ошо исем аҫтында Башҡортостанда үҙенсәлекле акция старт алды. Уның маҡсаты – үҙ аллы изоляция ваҡытында мохтаж кешеләргә ярҙам итеү. Проект авторҙары — ЛДПР фирҡәһенең төбәк бүлексәһе. Партия ағзалары ирекмәндәр менән бергә халыҡҡа аҙыҡ-түлек кәрзиндәре тарата.
Унда туҡмас, ҡарабоҙай, дөгө ярмаһы, һөт, икмәк, сәй һәм мәктәп кәрәк-яраҡтары ла бар. Беренселәрҙән булып мөрәжәғәт итеүсе Вәлиевтар ғаиләһе 9 бала тәрбиәләй. Иң кесеһенә йәш ярым, өлкәненә 14 йәш. Үҙ аллы изоляция мәлендә бындай ярҙам бик мөһим, ти улар.
