Үткән тәүлектә был исемлекте тағы ла 22 кеше тулыландырҙы. Хәҙер Башҡортостанда бөтәһе 129 осраҡ теркәлгән. Һауығыусылар – 9, һәләк булыусылар – 3. Эпидемия менән көрәш сараларына республика 5 миллиард һумдан ашыу аҡса йүнәлтәсәк. Был турала хөкүмәт йортонда үткән кәңәшмәлә Андрей Назаров белдерҙе.
Беренсе вице-премьер әйтеүенсә, тәү сиратта хәүеф аҫтында ололар һәм балалар йорттары, приюттар, интернаттар. Шул сәбәпле оператив штаб савид-19 вирусын йоҡтормау һәм таратмау буйынса күнекмәләр үткәрҙе. Төп маҡсаттар – пациенттарҙы һәм хеҙмәткәрҙәрҙе изоляциялау, һаҡланыу сараларының запасын етәрлек кимәлдә әҙерләү, объекттарҙы етди күҙәтеү аҫтына алыу.
