Өфөнөң «Мираҫ» ансамбле Донъяның традицион бейеүҙәре онлайн-фестивалендә ҡатнаша

Өфөнөң «Мираҫ» йыр һәм бейеү ансамбле Халыҡ-ара бейеү көнөнә бағышланған «Карнавал туры» донъяның традицион бейеүҙәре онлайн-фестивалендә ҡатнаша. 29 апрелдән башлап аҙна буйына тамашасыларҙың социаль селтәрҙәр аша төрлө илдәрҙең мәҙәниәттәре менән танышыу мөмкинлеге бар. Программала Малайзия, Мексика, Франция, Көнъяҡ Африка, Испания, Көнъяҡ Корея, Рәсәйҙән Башҡортостан теркәлгән.