Бөгөн Өфөлә Юғары судта Илья Климовтың аппеляцияһы ҡаралды

Ул хөкөм ҡарары мөҙҙәтен ҡыҫҡартыуҙы һораған. Әммә зыян күреүсе яҡ бының менән риза түгел. Ҡыҙыу бәхәстәрҙән һуң судья Илья Климовты 5 йыл да 10 айға иркенән мәхрүм итергә тигән ҡарар сығарҙы. Илья Климов 2013-сө йылда Киров һәм Цюрупа урамдары киҫелешендә юл ҡағиҙәһен боҙоп машинаһы менән йәйүлеләр өҫтөнә килеп менгәйне. Был фажиғәлә арбитраж суды судьяһы һәм Климовтың пассажиры һәләк булғайны. Һуңынан асыҡланыуынса, егет руль артына эскән килеш ултырған.